皇庭匯 (Renamed) View

今日上午我們去咗「皇庭匯」嘅沙田店飲早茶！我們叫咗翠瓜帶子腸粉、皇庭匯蝦餃皇、帶子鳳眼餃、椒鹽脆豆腐、脆皮叉燒包同椰絲甜薄𦉘！翠瓜帶子腸粉嘅腸粉好晶瑩嫩滑，帶子相當鮮甜，味道好清新！皇庭匯蝦餃皇嘅餃皮非常薄身，相當晶瑩剔透，可以清楚睇到入面嘅大蝦，蝦亦非常大隻同爽口彈牙！帶子鳳眼餃嘅餃皮好煙韌彈牙，餡料超多，口感非常豐富！椒鹽脆豆腐嘅外層炸得金黃香脆，入面嘅豆腐相當嫩滑，極之惹味！脆皮叉燒包嘅脆皮外層好香脆，叉燒嘅味道相當香甜，包質亦好鬆軟！椰絲甜薄𦉘嘅薄𦉘皮好煙煙韌韌，入面嘅椰絲同花生碎非常足料，但味道唔會太甜，真係超好味！係本人嘅必食推介！