會所1號 尖東薈 (Closed)

同朋友出左尖沙咀行街，攰攰地就去飲下茶，黎左會所一號，貪佢地方大又寧靜，朋友話佢之前黎過環境正喎，最啱傾偈咁話用具簡潔乾淨茶($12/位)&芥($10)一坐低就梗係開茶先啦，開左壺普洱，茶味幾滑又夠濃，沖左好幾壺都仲好夠味，不是那種只有顏色沒有味道的茶葉，黎飲茶壺茶真係好重要呀！另外仲會附上酸薑，花生同辣醬，開下胃咁囉。雲南雜菌餃($29)餡料滿滿的雜菌飯散發著香香的菇味，外皮煙韌有咬口，菇鮮味幾好食喎。蠔皇叉燒包($19)叉燒包鬆軟餡料多，甜甜地ok啦。排骨陳村粉($49)排骨半肥瘦醃得入味，陳村粉滑，點少少豉油勁正。荷葉珍珠雞($39)珍珠雞內裏包著切粒的雞肉同鹹蛋黃，一點都不肥膩，而且醬汁杰身沒有領到飯變得糊口，加上吸了荷葉香好味喎。咖啡蛋撻仔($39)食完鹹點又點了兩款甜品，微溫的蛋撻仔注入咖啡味的蛋漿，牛油派皮又香又鬆化，咖啡味香香的好正。雪嶺奇脆紫薯包($19)哈哈，唔知道寫“一”係真係得一個，咁就梗係獨食啦，外脆內軟又重紫薯味，內邊包著紫薯蓉，意外地不甜呢原來三點落場，我地坐到成為最後一枱，哈哈，獨霸成個廳