點一龍 (海港城) (Closed)

今日同幾個朋友去尖沙咀行街，諗咗好耐都諗唔到食乜，咁啱見到呢一間裝修好靚嘅餐廳，原來係一間食中式點心嘅鋪頭，見佢點心嘅選擇都好多，所以決定試一試。點心紙有即蒸點心、炸物、蒸飯、湯麵、腸粉、粥 同埋甜點，食點心當然要食蝦餃燒賣，鳳爪排骨！全部點心嘅水準都比平時喺酒樓食到嘅高，而且仲係即叫即蒸，食落果然係唔同啲。腸粉、蒸飯，粥等等嘅飽肚嘢，質素亦都唔錯，多人嚟食可以每樣叫啲一齊share！甜點方面，我會推介楊枝甘露，啲西柚同芒果都好新鮮。當然其他酒樓甜點例如紅棗桂花糕、芝麻卷同奶黃包等等亦都唔錯 。日式放題平時就食得多啦，得閒試下中式放題感覺都 幾特別，唔使好似平時飲茶咁，鍾意食都要就住就住叫！