名館 (Closed)

侍應人手嚴重短缺。由入座至離開，來來去去都只有嗰三個伙計。攞辣椒油，叫咗四次，雖然明白伙計做到發忟憎，但係服務真係唔得囉。食物水準只算中平。蒸品唔夠熱，炸物油淋淋。放題點心嘅款式其實唔算多，好多粵菜經典點心都冇。上菜都唔駛講，亂哂籠。一係重覆，一係無嚟，或者無叫都俾埋你，總之亂嚟。環境上係算唔錯，算得上清靜。枱與枱之間亦都寬闊。佈置上亦算有特色。