Video
Read full review
2020-07-09
1809 views
第一次嚟試呢啲貴點心，味道整體嚟講幾好食但係唔值得咁貴，質素就似利苑，如果大約$50一款我會覺得幾好。個煎餃好難食，韭菜份量唔多，小到唔係好食得出係韭菜餃。同埋入邊啲肉餡好似唔係豬肉定係雞肉唔係好食得出。種感覺係$12.3隻個種街邊貨式；同埋煎得唔夠香脆同埋唔夠熱。流沙包算好食，鹹蛋黃味濃。灌湯餃個湯好醇厚同埋魚翅份量唔少，我個人唔係太鍾意食灌湯餃軟林林嘅餡，所以個餡我冇咩評語。蝦餃燒賣同牛肉腸都係高於一般水平但係唔值咁貴，果幾十蚊可能係消費嘅分隔。安排坐喺近收銀嘅位置，有個經理定係高級啲嘅人喺度好大聲講電話佢或者同佢同事傾計，超級大聲唔顧及客人會聽到好煩擾。不斷喺度擦存在感自己放完假，一堆野等着自己做嗰類野。所以可以嘅話要求坐入啲好緊要。同埋有個阿姐當我係大陸遊客，同我講普通話，無所謂既，但成世人都未試過咁樣，最緊要係之後同佢溝通用返廣東話佢又唔記得左，轉頭買單嘅時候又同你講普通話，好好笑。我就冇遇到主動斟茶同埋揭開個蓋都要等一陣先加水。
個煎餃好難食，韭菜份量唔多，小到唔係好食得出係韭菜餃。同埋入邊啲肉餡好似唔係豬肉定係雞肉唔係好食得出。種感覺係$12.3隻個種街邊貨式；同埋煎得唔夠香脆同埋唔夠熱。
流沙包算好食，鹹蛋黃味濃。
灌湯餃個湯好醇厚同埋魚翅份量唔少，我個人唔係太鍾意食灌湯餃軟林林嘅餡，所以個餡我冇咩評語。
蝦餃燒賣同牛肉腸都係高於一般水平但係唔值咁貴，果幾十蚊可能係消費嘅分隔。
安排坐喺近收銀嘅位置，有個經理定係高級啲嘅人喺度好大聲講電話佢或者同佢同事傾計，超級大聲唔顧及客人會聽到好煩擾。
不斷喺度擦存在感自己放完假，一堆野等着自己做嗰類野。所以可以嘅話要求坐入啲好緊要。
同埋有個阿姐當我係大陸遊客，同我講普通話，無所謂既，但成世人都未試過咁樣，最緊要係之後同佢溝通用返廣東話佢又唔記得左，轉頭買單嘅時候又同你講普通話，好好笑。
我就冇遇到主動斟茶同埋揭開個蓋都要等一陣先加水。
Post
