一哥點故 (Closed)

好耐冇食點心，咁啱經過銅鑼灣就嚟試吓，起時代廣場行過嚟都好方便，行到街市尾端果間就係喇。 佢嘅點心款式都幾多，而且仲加入新派元素。✨黑松露蝦餃（ $37 ）：佢d 餃皮薄得黎幾Q彈，蝦肉紮實彈牙，又有黑松露同蔥既香味。✨黑金流沙包（ $28 ）：個包摸上手微微暖，本身以為唔會好流心，點知一撕開啲餡咇晒出嚟。個流沙好香咸蛋黃味，最驚喜入面仲有大大舊咸蛋黃，真係超正👍🏻✨XO醬菜苗餃（$34 ）：賣相都幾靚，加咗XO醬辣辣地好惹味，菜苗餃食落多汁，非常好食。✨龍蝦汁鮮竹卷（ $37 ）：其實呢個龍蝦汁味道唔算好出，不過個鮮竹卷就真係好好食。大大件而且食落仲有少少脆脆地，入面係勁多餡添😋✨春風得意腸（$38): 呢個又係好好食，腸粉皮薄有彈性，入面仲有蝦肉粟米同埋脆脆既米網，好香口。✨千島醬脆皮蘿蔔糕（ $34 ）：呢個食法都係第一次，感覺幾新鮮。賣相有d 似炸鮮奶🤣，個皮好鬆脆，入面啲蘿蔔糕仲有粗身蘿蔔粒，加埋千島醬都幾夾幾好食，如果炸粉薄啲更加好。✨3.6牛乳奶凍太陽蛋（$28）： 呢個真係好得意，開頭以為蛋黃係一啲芒果醬，點知原來唔係。佢個質地有啲似鬼口水🤣食落又唔係芒果味，甜甜地又帶