御名園

Open Now

Now Closed

今日去荔枝角朋友家新居入伙，上去之前請我哋喺樓下間酒樓飲茶，入到去地方寬敞但是座無虛席！朋友很客氣叫了很多點心！黑金流心奶黃包～蛋黃奶黃香滑，包又夠鬆軟唔錯！香煎南乳蔥油餅～一層層的蔥油餅造型，加上南乳，味道好香！潮州粉果～皮簿餡料足，非常好味，另外一碟係～遠年陳皮牛肉球，做得香滑有牛肉味，真材實料，跟兒時在茶居食的味道一樣，記憶返晒出嚟香煎蘿蔔糕雖然係大點～我真心覺得一般！出爐叉燒滑腸粉～叉燒份量足，味道不過不失！原籠古法馬拉糕～超鬆軟，而且好香黑糖味，又不太甜，值得推介！薄皮京川滑餃子～同出邊一般紅油抄手完全唔同，食落另一番風味，好正！香煎沙嗲牛肉包～其他茶樓比較少有，味道唔錯好食，略嫌餡料比較少！金網生煎菜肉鍋貼～造型幾震撼，金網非常脆，而且鍋貼也非常飽滿，肉汁豐盈，好得！酥脆芝士拔絲紅薯卷～紅薯包住芝士去麵包糠去炸，幾有創意！鬆化蛋散～一啲都唔鬆化，硬實，唔好食！上茶樓必點嘅蝦餃燒賣蝦餃皮稍嫌黏了一點，但內裏的蝦仁並不是原隻，同時也不夠彈牙，未算合格反而鮑魚燒賣皇有驚喜，並非因那隻鮑魚，建議整粒放入口中，那種鮮、爽、彈牙感充斥口腔，回味不已，正！