利滿皇宮 (Closed)

同老婆喺鳯琴街體育館做完運動，就行過對面間茶樓嘆番一盎兩件。坐低叫咗壺濃嘅鐵觀音，呢度啲茶葉用袋袋住，唔會沖到成杯茶葉。睇吓張點心紙，各款蒸炸點心，鹹甜美點，各式形式都有，係咁以叫咗籠蝦餃、煎韮菜角、煎釀虎皮尖椒、鯪魚球同腸粉。全部都係即叫即做，夠晒熱。最後仲叫咗紫薯流沙球，賣相都幾得意，味道亦唔差，如果鍾意食甜點嘅朋友，值得大家一試。