潮濠城酒樓 (Closed)

今日去荔枝角行D2 Place, 先去長沙灣廣場諗住飲個下午茶醫吓肚。上Openrice睇有幾間酒樓，最後決定試吓其他地方冇分店嘅潮濠城。下午兩點幾去到，唔駛等位，大約坐咗7成食客。一坐低先嚟碟花生，呢啲我地循例想唔要慳返啲，點知個阿姐冇乜禮貌咁話：「唔要都照收錢」就行開咗。再問個部長，佢話：「如果唔要就點心要收正價架啦，呢啲花生錢係我哋啲人工嚟⋯」。吓，可以咁架咩⋯花生盛惠$8，似係鹽水浸，軟淋淋，可能潮式係咁整啩⋯我就唔係咁like。蠔仔肉碎粥 - 蠔數量都唔少，亦冇沙。金沙流沙包 - 奶皇餡味道還可以，不過餡太少完全唔會流到沙⋯沙律明蝦角 - 熱辣辣，皮夠脆，蝦肉都算爽。埋單前送潮州功夫茶。食物味道一般，點心選擇亦唔算多，價錢亦唔算平，試一次就算。