星點心專門店

Open Now

Now Closed

好耐都無來過宋皇臺，九龍城呢邊啦！今日陪朋友過來處理D野，突然想飲茶，但又唔想去D酒樓，就上網搵下，見到附近有呢間，見到門口裝修都幾靚，比較新式，入面嘅環境都比較舒服，因為過咗食飯時間又唔使等位，所以所以一入去就可以點嘢食啦，入去就點咗星點蝦餃皇，鮮蝦燒賣皇，香脆蝦春卷，香煎蘿蔔糕，蜜汁叉燒腸，全部點心都真材實料，蝦餃燒賣啲蝦都大隻彈牙，香脆鮮蝦卷個餡都做得好好，入邊啲料都好豐富，蝦滑彈牙，香煎蘿蔔糕兩面金黃，蘿蔔清甜，配上個辣醬一流。蝦餃個皮都值得一讚，唔會好似某啲酒樓咁樣，皮一夾就爛，起碼個皮都有個煙韌喺度 。呢間唔錯，下次去宋皇臺都要食返呢間。