Video
Read full review
2022-05-06
916 views
疫情咁耐冇飲過茶，放工喺旺角行街見到有間幾新嘅點心店，見佢入面幾新淨，啲位又闊落，就走入去試下。點知原來夜晚係冇點心😂 不過睇落餐牌又好似好多唔同款式嘅港式小菜，又有我最鍾意嘅流心包，就即管畀個機會佢啦。因為個餐牌實在太多選擇🤣要叫店員過嚟推介下，佢哋都好有禮貌咁介紹咗幾款獨家同推薦嘅小菜。最後我哋揀咗獨家嘅飛天通菜煲、都係獨家嘅黑松露炒蝦球、仲有我至愛嘅椒鹽白飯魚。😋獨家飛天通菜煲 💰76蚊好耐都未食過咁爽口嘅通菜，而且一打開個蓋重做到香味撲鼻。火候控制啱啱好，啲菜唔會好似其他地方咁煮到一pat嘢！最緊要係咁大煲都係76蚊！😋獨家黑松露炒蝦球💰98蚊 一嚟到就畀佢嚇親，唔使一百蚊有咁嘅size😀而且啲蝦球真係有黑松露嘅味，證明夠曬捉料，而且啲呀仲好大隻同埋數量夠多🦐🦐🦐😋椒鹽白飯魚💰75蚊食港式小菜點可以少得椒鹽菜式～ 大大條白飯魚，熱辣辣脆卜卜。唔係好多鋪頭重有白飯魚🥲如果你嚟到一定要試，我個人推介！😋黑金流沙包💰10蚊/個雖然食到好飽，但本身係想食點心，點都要叫返個黑心流沙包做甜品。呢度最好就可以一個個咁嗌，唔使驚太多食唔曬，同朋友一人一個。即叫即蒸，上到枱面熱辣辣。自己唔小心篤
疫情咁耐冇飲過茶，放工喺旺角行街見到有間幾新嘅點心店，見佢入面幾新淨，啲位又闊落，就走入去試下。點知原來夜晚係冇點心😂
不過睇落餐牌又好似好多唔同款式嘅港式小菜，又有我最鍾意嘅流心包，就即管畀個機會佢啦。因為個餐牌實在太多選擇🤣要叫店員過嚟推介下，佢哋都好有禮貌咁介紹咗幾款獨家同推薦嘅小菜。最後我哋揀咗獨家嘅飛天通菜煲、都係獨家嘅黑松露炒蝦球、仲有我至愛嘅椒鹽白飯魚。
飛天通菜煲
$76
26 views
0 likes
0 comments
好耐都未食過咁爽口嘅通菜，而且一打開個蓋重做到香味撲鼻。火候控制啱啱好，啲菜唔會好似其他地方咁煮到一pat嘢！最緊要係咁大煲都係76蚊！
黑松露炒蝦球
$98
20 views
0 likes
0 comments
一嚟到就畀佢嚇親，唔使一百蚊有咁嘅size😀而且啲蝦球真係有黑松露嘅味，證明夠曬捉料，而且啲呀仲好大隻同埋數量夠多🦐🦐🦐
椒鹽白飯魚
$75
11 views
1 likes
0 comments
食港式小菜點可以少得椒鹽菜式～ 大大條白飯魚，熱辣辣脆卜卜。唔係好多鋪頭重有白飯魚🥲如果你嚟到一定要試，我個人推介！
黑金流沙包
$10
22 views
0 likes
0 comments
雖然食到好飽，但本身係想食點心，點都要叫返個黑心流沙包做甜品。呢度最好就可以一個個咁嗌，唔使驚太多食唔曬，同朋友一人一個。即叫即蒸，上到枱面熱辣辣。自己唔小心篤到，啲蛋黃就流曬出嚟，證明真係做到流心😂口感非常之好。
呢餐晚餐除咗好味🌟真係性價比好高。下次要係四點半之前再過嚟食點心，又或者可以去佢哋嘅佐敦店就有全日點心。
值得一提，佢哋係百分百香港製造～喺今日咁嘅環境😀真係值得支持！點心到 MIX·大排檔
🔺 https://s.openrice.com/QrbS0SQmA00~uO7p6Aw
🔺 旺角洗衣街39-55號金雞廣場地下1A,1B,1C號舖
🔺 電話: 5968 4809
Post
