Video
Read full review
2021-06-15
61 views
(東哥點心籠仔蒸飯專門店)位置非常方便，從太子站或旺角站步行都係5分鐘以內，雖然附近好多食肆，但係能夠鶴立雞群，實在不容易。要飲夜茶，一盅兩件，選擇非常少，如果加埋火鍋放題更加係寥寥可數。店內裝修風格比較時尚新穎，燈火明亮，採光度十足。雖然有點像茶餐廳的座位佈局，但遠觀一看，更像迷你型的中式酒樓。既然係點心放題，當然要叫返唔同種類嘅點心，感受下一齊上枱嘅震撼感啦！ （溫馨提示：大前提係要食得晒呀。）（名稱不分先後）：東哥蝦餃王，湯皇鮮竹卷，鮮蝦菜苗餃，鮮竹牛肉球，蟹子燒賣王，芋頭蒸排骨，鮮人參灌湯餃。點心種類同火鍋配料一樣咁多，但係唔會有一樣做得特別馬虎，呢個位值得真心一讚。其中我比較欣賞嘅係（東哥蝦餃王），蝦餃皮不厚不淋，反而同平時嘅出品質素一樣，能夠保持水準，呢一樣野係點心放題店好難keep得到，絕對係加分位。湯底有四款選擇，除咗招牌嘅懷舊醉雞煲或者東哥雞煲，我哋比較想試吓比較少有，而且難做得好嘅：澳門豬骨煲。既然講得係少有，因為成本比較高，製作也比較複雜困難。豬骨煲要用上大量豬筒骨，加入白胡椒粒調校味道。要做到那種嗆鮮感覺不容易，東哥都做得到，最後加入粟米段，增強湯口潤滑感覺。一
店內裝修風格比較時尚新穎，燈火明亮，採光度十足。雖然有點像茶餐廳的座位佈局，但遠觀一看，更像迷你型的中式酒樓。
既然係點心放題，當然要叫返唔同種類嘅點心，感受下一齊上枱嘅震撼感啦！ （溫馨提示：大前提係要食得晒呀。）
（名稱不分先後）：東哥蝦餃王，湯皇鮮竹卷，鮮蝦菜苗餃，鮮竹牛肉球，蟹子燒賣王，芋頭蒸排骨，鮮人參灌湯餃。
點心種類同火鍋配料一樣咁多，但係唔會有一樣做得特別馬虎，呢個位值得真心一讚。其中我比較欣賞嘅係（東哥蝦餃王），蝦餃皮不厚不淋，反而同平時嘅出品質素一樣，能夠保持水準，呢一樣野係點心放題店好難keep得到，絕對係加分位。
湯底有四款選擇，除咗招牌嘅懷舊醉雞煲或者東哥雞煲，我哋比較想試吓比較少有，而且難做得好嘅：澳門豬骨煲。既然講得係少有，因為成本比較高，製作也比較複雜困難。豬骨煲要用上大量豬筒骨，加入白胡椒粒調校味道。要做到那種嗆鮮感覺不容易，東哥都做得到，最後加入粟米段，增強湯口潤滑感覺。
一次性新鮮手打墨魚滑，食材矜貴，所以冇得添加。
雖然東哥主打係點心，但係做得火鍋都唔會馬虎，俾足心機，由採購食材，到食材種類，都見得做足功課。（名稱不分先後）：美國頂級肩胛牛肉、美國頂級牛板腱、澳洲和午粒等等。
澳洲和牛粒牛肉味特濃，香口，爽彈。
其他火鍋配料：新鮮豬紅、午餐肉、魚皮餃、響鈴、豬紅、松葉蟹棒；時令海鮮分別有廣島蠔丶原隻扇貝丶鮮脆魚腩。
Post
