Video
Read full review
2020-04-13
164 views
邊爐控既我同朋友出街基本上好多時都會打下邊爐,今日係旺角油麻地一帶行完街經過兆萬中心發現3樓開左間新既任食火煱店,以前都無咩為意3樓有原來係有餐廳,見新開就入去試試.內裏地方唔算話好大但勝在夠光猛同整潔,座位大多分開一卡卡既卡位.以平板電腦點餐.入坐火鍋放題既食客附送海鮮拼盤同每人2串即烤串燒.火鍋底都有6-7款可以選擇,由清湯到濃味或足料既蜆鍋都有.店員就推介蟲草花雞鍋同沙嗲鍋,果然無介紹錯！沙嗲鍋底味夠晒濃郁,內裏有粒粒花生味又炒得夠香,沙嗲濃底又唔會過鹹,帶點甜味.蟲草花雞鍋個鍋膽好足料,薄滿蟲草花,杞子,紅棗,桂圓同黨參帶微微中藥材香.藥材味唔會過濃而令湯底變得好苦澀,配上清甜既雞湯底味夠晒養生又滋保.海鮮拼盤每人固定4款是日精選海鮮.海鮮十分新鮮,有帶子,龍躉片,蜆同蝦.帶子十分厚身而且富有光澤得黎又有彈力,放入鍋焯一焯熟就食得,入口鮮甜彈牙.龍躉片上層果塊充滿厚厚骨膠原既片真係好彈牙又滋潤.蝦肉又夠新鮮,d肉唔會一拆就霉入口爽脆.串燒有大概5-6款選擇,分川燒同蜜糖味,串燒燒得一d都唔乾,外層帶點炭燒香得黎加上少少辣椒粉同孜然粉好香又惹味.頂級牛頸脊入口牛油香濃又唔會過肥膩
邊爐控既我同朋友出街基本上好多時都會打下邊爐,今日係旺角油麻地一帶行完街經過兆萬中心發現3樓開左間新既任食火煱店,以前都無咩為意3樓有原來係有餐廳,見新開就入去試試.
內裏地方唔算話好大但勝在夠光猛同整潔,座位大多分開一卡卡既卡位.以平板電腦點餐.入坐火鍋放題既食客附送海鮮拼盤同每人2串即烤串燒.火鍋底都有6-7款可以選擇,由清湯到濃味或足料既蜆鍋都有.
店員就推介蟲草花雞鍋同沙嗲鍋,果然無介紹錯！沙嗲鍋底味夠晒濃郁,內裏有粒粒花生味又炒得夠香,沙嗲濃底又唔會過鹹,帶點甜味.
蟲草花雞鍋個鍋膽好足料,薄滿蟲草花,杞子,紅棗,桂圓同黨參帶微微中藥材香.藥材味唔會過濃而令湯底變得好苦澀,配上清甜既雞湯底味夠晒養生又滋保.
海鮮拼盤每人固定4款是日精選海鮮.海鮮十分新鮮,有帶子,龍躉片,蜆同蝦.帶子十分厚身而且富有光澤得黎又有彈力,放入鍋焯一焯熟就食得,入口鮮甜彈牙.龍躉片上層果塊充滿厚厚骨膠原既片真係好彈牙又滋潤.
蝦肉又夠新鮮,d肉唔會一拆就霉入口爽脆.
串燒有大概5-6款選擇,分川燒同蜜糖味,串燒燒得一d都唔乾,外層帶點炭燒香得黎加上少少辣椒粉同孜然粉好香又惹味.
頂級牛頸脊入口牛油香濃又唔會過肥膩,帶有肉既咬勁,配上沙嗲湯超配.
除左以上附送外,任點鍋料都好豐富,單係丸類已經10幾款選擇,好多仲好有特色既台灣丸,例如麻吉湯丸,蝦條餃,魷魚條,蛋皮餃,當中最鍾意係麻吉湯丸！內裏係爆漿奶黃餡,一甜一鹹又幾好味.
避風塘炸魚片超香脆而且粒粒椒鹽炸脆好香.
餃子自家包,用雲吞皮包令口感更落又無咁容易發脹,黑松露蟹肉餃既黑松露香比最像中更濃而且內裏又帶淡淡蟹肉既鮮甜果都.
蟹籽墨魚滑夠晒足蟹籽,咬落脹卜卜咁又鮮味.
最後仲有雪櫃裝上雪米糍,打完邊爐食返d冰凍既野特別爽.
Post
