Video
Read full review
2010-10-08
13 views
今日行旺角，一早決定左食烏冬，於是選擇左旺角哩間江川手打烏冬；其實o係尖沙咀果間都食過幾次，覺得幾ok，而旺角哩間又成日見人排隊，就諗住試下！去到都差唔多9點，今日幾好彩唔洗排隊，一去到就有位一入到去，就覺得同尖沙咀果間有ｄ分別，ｄ位好迫下，而且好焗，坐得唔係好舒服；一坐低，有個男仔侍應立即過黎斟茶，行動好快，男友同佢講，我地想飲凍水，佢已經斟左一杯茶，立即笑笑口答，冇問題，然後好快就比左兩杯凍水我地。哩樣抵讚！打開餐牌，兩間分店既餐牌一樣，都係勁多招牌湯底，值得一提既係，本人有味精過敏症，曾經ｏ係尖沙咀果間問過佢地ｄ湯有冇落味精，（因為落左味精，我就真係唔飲得！）當時尖沙咀既主管（或者係經理）立即好認真同我講，佢去廚房問一問確定一下，結果係有落雞粉，冇落味精，於是我就對哩間店幾有好感啦，因為佢ｄ湯真係幾好味，唔飲得就ｏ徒左。今晚叫左麵豉豬骨湯烏冬配漢堡扒 同埋 新出既日本湯烏冬+鰻魚柳川鍋 仲有焗田螺、可樂同雀檸。落單果時同侍應提左3次，所有烏冬都走蔥，佢亦都應左；點知，第一碗烏冬一黎，已經好多蔥… 唯有同佢講返啦，個侍應一見到，就唔係好願意咁，好似想我地啃左佢！！猶豫左３０秒，先話
去到都差唔多9點，今日幾好彩唔洗排隊，一去到就有位
一入到去，就覺得同尖沙咀果間有ｄ分別，ｄ位好迫下，而且好焗，坐得唔係好舒服；一坐低，有個男仔侍應立即過黎斟茶，行動好快，男友同佢講，我地想飲凍水，佢已經斟左一杯茶，立即笑笑口答，冇問題，然後好快就比左兩杯凍水我地。哩樣抵讚！
打開餐牌，兩間分店既餐牌一樣，都係勁多招牌湯底，值得一提既係，本人有味精過敏症，曾經ｏ係尖沙咀果間問過佢地ｄ湯有冇落味精，（因為落左味精，我就真係唔飲得！）當時尖沙咀既主管（或者係經理）立即好認真同我講，佢去廚房問一問確定一下，結果係有落雞粉，冇落味精，於是我就對哩間店幾有好感啦，因為佢ｄ湯真係幾好味，唔飲得就ｏ徒左。
今晚叫左麵豉豬骨湯烏冬配漢堡扒 同埋 新出既日本湯烏冬+鰻魚柳川鍋 仲有焗田螺、可樂同雀檸。
落單果時同侍應提左3次，所有烏冬都走蔥，佢亦都應左；點知，第一碗烏冬一黎，已經好多蔥… 唯有同佢講返啦，個侍應一見到，就唔係好願意咁，好似想我地啃左佢！！猶豫左３０秒，先話同我地換！！
跟住漢堡扒黎左…嘩！！有咩可能差咁遠架？！ ｏ係尖沙咀果間，哩個菜我次次都會點，因為夠厚又juice，雖然唔係好大件，但都好好味，點知哩間分店，果件漢堡薄到好似阿媽蒸果ｄ肉餅咁，仲要爆細件！！！
跟住男友叫既日本湯烏冬都黎左，大佬，係人都知日本湯係甜湯黎，但佢果碗，甜到好似糖水咁，真係甜到好假，飲一啖都”涸”喉，哩間店最出名係湯底，但湯底搞成咁，係咪自己拆自己招牌？！果個新出鰻魚鍋，張相就靚啦，黎到ｄ鰻魚得３小片，仲細件過一件正常鰻魚壽司上面果片，下面ｄ蛋好油好漏，總之真係唔好食．．．
焗田螺黎埋，薯蓉份量多得有驚喜，可惜有ｄ怪味…搞到我同男友食左１／４都冇，就唔敢食落去，而田螺味道都算ｏｋ，不過整體都唔合格囉。
成餐食完，心情差到連可樂都唔飲啦，覺得好失望，明明旺角分店就一向都好多人排隊，但質素點會同尖沙咀果間差咁遠？
唯一拎返少少分係ｄ服務，食到一半，覺得真係好焗，同個疑似經理既先生講左，好快就派人開返冷氣，可惜食店既食物唔掂，真係服務幾好都冇用
埋單$152，ｓｏｒｒｙ，真係唔想比ｔｉｐｓ。
Post
