Video
Read full review
2017-09-20
95 views
原本去附近牛摩食，點知要等8張枱……因為趕住返屋企既關係，唯有去呢間試下……喺門口見到半價火鍋，而且仲有意粉揀頭先食唔到牛摩，梗係黎呢度揀返個日式豚肉火鍋（壽喜燒湯底）啦，加多10蚊要多個韓式拉麵，另外男朋友原本想叫大蝦意大利麵，點知侍應話：冇大蝦，呢個麵冇，另外4款啱唔啱……我心諗，點解頭先你攞餐牌俾我時唔講俾我知，係要等我叫先黎話冇蝦……最後叫蒜片牛柳粒意大利麵。等左15分鐘左右，我個火鍋黎啦份量之少……直頭吉野家都多過佢……嗰下真係O左嘴，難怪要半價啦，照佢原價咁樣就$134，真係搵鬼去……份量少，可能味道好呢，一向鍾意粉絲既我，第一時間挾粉絲，點知一挾，原來一挾即斷，好明顯呢款粉絲唔係火鍋用既粉絲，同盛八既粉絲差好遠。粉絲就最吸味，要食湯既精華就一定係放粉絲入去吸味食，但完全係淡味，同平日壽喜燒又甜又濃既味道差得太遠！可能只因為粉絲煮太短時間而淡味，為免誤會，我試左一啖湯，嗯，味道都濃味過清水嘅~最後既甜品，叫芒果分子甜點，其實咁平我都冇諗過會真係俾分子甜品我，我諗住都係正正常常一杯甜品啫，點知黎到真係一個大驚喜！因為原來真係分子甜品黎！係“糖”既分子甜品呀！無論係芒果，中間疑
喺門口見到半價火鍋，而且仲有意粉揀
頭先食唔到牛摩，梗係黎呢度揀返個日式豚肉火鍋（壽喜燒湯底）啦，加多10蚊要多個韓式拉麵，另外男朋友原本想叫大蝦意大利麵，點知侍應話：冇大蝦，呢個麵冇，另外4款啱唔啱……我心諗，點解頭先你攞餐牌俾我時唔講俾我知，係要等我叫先黎話冇蝦……最後叫蒜片牛柳粒意大利麵。
等左15分鐘左右，我個火鍋黎啦
日式豚肉火鍋加韓國拉麵
9 views
0 likes
0 comments
日式豚肉火鍋
8 views
0 likes
0 comments
份量之少……直頭吉野家都多過佢……嗰下真係O左嘴，難怪要半價啦，照佢原價咁樣就$134，真係搵鬼去……
日式火鍋內既粉絲
7 views
0 likes
0 comments
份量少，可能味道好呢，一向鍾意粉絲既我，第一時間挾粉絲，點知一挾，原來一挾即斷，好明顯呢款粉絲唔係火鍋用既粉絲，同盛八既粉絲差好遠。粉絲就最吸味，要食湯既精華就一定係放粉絲入去吸味食，但完全係淡味，同平日壽喜燒又甜又濃既味道差得太遠！可能只因為粉絲煮太短時間而淡味，為免誤會，我試左一啖湯，嗯，味道都濃味過清水嘅~
蒜片牛柳粒意大利麵
$72
10 views
0 likes
0 comments
最後既甜品，叫芒果分子甜點，其實咁平我都冇諗過會真係俾分子甜品我，我諗住都係正正常常一杯甜品啫，點知黎到真係一個大驚喜！因為原來真係分子甜品黎！係“糖”既分子甜品呀！無論係芒果，中間疑似芒果味雪芭，底下用寒天粉整既麵條都好，都係用“糖”整既分子料理黎，食一半相信都已經可以有糖尿病~可惜我唔識欣賞呢道份子料理，食左兩啖就食唔到落去。
到最後埋單，好大聲咁叫侍應埋單，等左好耐，冇人埋黎埋單，走過去問佢，點知原來佢聽唔到……一路食嗰時已經聽到隔離枱落錯單……侍應亦冇道歉
喺呢間店度完全搵唔到可取之處，如想打邊爐，吉野家質素，味道，份量係完勝呢間餐廳。如想食意大利麵，用呢個價錢，有大把更好餐廳可以選擇。埋單$171，呢間餐廳呢個價錢食呢個質素，真係好難食！
餐牌上所謂芒果分子甜點
9 views
0 likes
0 comments
Post
