Video
Read full review
2007-03-27
131 views
係大埔既潮州打冷店遼遼可數，我幫襯左依度都有八、九年喇，同老細、舊伙記都頗熟絡。今晚係附近飲完酒，打算買個宵夜外賣返屋企慢慢嘆，點知：步入舖內睇吓老細係唔係度先，敝，唔見人，想攞折頭無機會，好啋有個話得事既伙記係度。例牌一句有咩好介紹，寒暄一輪後，就決定要隻最大既潮州凍蟹，大隻過我手掌，原價要百廿蚊隻，VIP 價一百搞掂，諗住有著數啦，第一次係度買都咁大隻既凍蟹，重只係一百蚊。師父終於切好喇，個盒都裝唔晒，另外加送個淨湯麵比我，就好開心咁飛的返屋企。返到屋企咩都唔理，即時開餐。黎個蟹蓋先，嘩，勁多膏。食吓食吓，啲味道同口感怪怪地，好濃烈既怪蟹味，心諗可能飲多左酒，唔理咁多繼續食。巨型蟹蚶啖啖肉，正，一邊點浙醋一邊食，話咁快食左半隻。終於發現點解啲肉怪怪地，林劈劈、散筲筲，又係有陣濃烈既怪蟹味。到底係咩味呢，諗到喇，完來係唔新鮮既死蟹味.......我醒覺後，即時掉左剩餘那半隻蟹落廚房垃圾桶，期望聽朝個肚唔好有事。食埋個熱騰騰既淨湯麵，就漱乾淨個口啲溴蟹味上床訓。第朝訓到矇矇矓矓，咩味咁嗅呢，完來啲死蟹味彌漫全屋，即時跳起身，將條屍掉出門口，陣惡嗅仍久久不散。幫襯左咁多年，都未試過有啲咁
步入舖內睇吓老細係唔係度先，敝，唔見人，想攞折頭無機會，好啋有個話得事既伙記係度。例牌一句有咩好介紹，寒暄一輪後，就決定要隻最大既潮州凍蟹，大隻過我手掌，原價要百廿蚊隻，VIP 價一百搞掂，諗住有著數啦，第一次係度買都咁大隻既凍蟹，重只係一百蚊。師父終於切好喇，個盒都裝唔晒，另外加送個淨湯麵比我，就好開心咁飛的返屋企。
返到屋企咩都唔理，即時開餐。黎個蟹蓋先，嘩，勁多膏。食吓食吓，啲味道同口感怪怪地，好濃烈既怪蟹味，心諗可能飲多左酒，唔理咁多繼續食。巨型蟹蚶啖啖肉，正，一邊點浙醋一邊食，話咁快食左半隻。終於發現點解啲肉怪怪地，林劈劈、散筲筲，又係有陣濃烈既怪蟹味。到底係咩味呢，諗到喇，完來係唔新鮮既死蟹味.......
我醒覺後，即時掉左剩餘那半隻蟹落廚房垃圾桶，期望聽朝個肚唔好有事。食埋個熱騰騰既淨湯麵，就漱乾淨個口啲溴蟹味上床訓。
第朝訓到矇矇矓矓，咩味咁嗅呢，完來啲死蟹味彌漫全屋，即時跳起身，將條屍掉出門口，陣惡嗅仍久久不散。
幫襯左咁多年，都未試過有啲咁既事發生，實在太大意喇。師父切時又無留意，我又對佢地非常有信心，又無驗貨就走，而導致不幸事件發生。
不過我都會繼續幫襯既，因啲野食真係幾好食，依次都係一時唔小心。下篇再作食物、環境的詳細介紹。
Post