鈴木珈啡館 (Closed)

即興買飛睇「百靈頓小熊」，離開場只有一個小時，帶住三隻馬騮又想食啲嘢！戲院內有間餐廳都係一個方便選擇！其實係戲院一角圍起做餐廳，門口開揚，好光猛，店內裝修別緻，尤其喜歡樹形裝飾！傢俬淺木為主！好簡潔清新！兩點幾，唔爆場，不過有啲枱未執，店員見我在門口！即刻快快執張卡位比我！卡位闊落好坐！食物以日式意粉為主，快速落好單等嘢食！店員就比餐具同熱水（真係熱到辣手，其實有小朋友都唔好咁熱，暖水ok）食物超快到齊！（落單唔夠10分鐘到齊）但沙律都未食完，你比兩個忌廉汁意粉我，食得沙律意粉都凍喇！（忌廉汁一凍就變漿糊）煙三文魚香芒沙律：賣相唔錯，羅馬菜較老，少許火箭菜，芒果好酸，醬汁係柚子醬（即係平時沖柚子蜜嘅醬）味道配搭都可以，但面頭嘅三文魚就幾腥！唔新鮮！ 海膽珍珠帶子拌忌廉汁烏冬：烏冬滑溜彈牙，忌廉汁香滑，蟹籽卜卜脆，可惜比一糰好腥嘅海膽破壞晒（味道好壓）我連紫蘇葉一齊食都壓唔住啲腥味，差黑松露巴馬火腿蛋黃汁意粉：意粉彈牙有咬口，黑松露忌廉汁香夾滑，撈埋半生熟蛋就更滑！可惜巴馬火腿薄身，味道咸香但較韌！失色！食物其實正常，但唔知點解放响面嘅主題都係唔好味道！尤其個海膽，腥得好緊要，好壓！如果