林昌記 (Closed)

其實林昌記我食咗好多次架喇～一直都想寫佢，但次次都掛住食無影相～覺得佢啲魚旦彈牙好味～加埋佢特別調製嘅辣椒油更加好味～辣椒油任你加幾多都得～我就加好多嘅～仲間中出啲新款食物～好似有個牛魔王我好鐘意食架，手打牛丸好鬼彈牙仲爆汁添～仲有手打海鮮炸角我好多時都食架，蝦味好出，亦都好彈牙～仲有蝦籽炒麵～朋友勁鐘意食～我哋每次都必叫呢幾款嘅～不過隔咗好耐無去了～今次嚟就係諗住影多啲靚相寫好佢點知已經再唔係從前咁喇～我去到例排叫魚旦，但魚旦帶有腥味...而辣椒汁亦都唔係以前咁好食...想叫蝦籽炒麵都無....完全失晒水準...點解會咁嘅...希望只係今次咁啦...