Video
Read full review
2020-09-13
45 views
以前仲係西營盤番工，食飯既選擇唔多，黎黎去去都係bar & restaurants，估唔到我調左職之後，佢就開左間價錢合理既越南餐廳。呢到位於扶手電梯中間既平台位置，如果係西營盤既街坊就知道，呢個位置係幾年有間做三餸飯。今次食既呢間餐廳叫Just eat。呢到地方不算太大，但裝潢有格調又夠靜，入黎食飯傾計，真係幾舒服，而且呢到有越南啤酒提供，同朋友傾到興起，真係可以叫一兩杯架。香茅串燒牛&串燒雞呢到既串燒同我地係泰國餐廳食開有好大分別，通常泰式串燒既肉會比較結實，相反呢到既肉會比幼嫩。而且食得到每條串燒都有好香既香茅味，有少少咸咸地，再加埋佢啲甜甜地，又有濃厚既花生味既沙嗲醬，真係一絕！越式燒蝦卷越南米紙卷係好出名既傳統美食，入面有青瓜絲, 紅蘿蔔絲, 米粉, 同埋燒蝦，呢到既米粉比較軟身，唔會好鞋口，而燒蝦燒得剛好，食落唔會太乾身，表面有少許微焦，而米紙卷黏度適中，咬落去都幾煙韌，再配上甜酸汁，食落去都幾清新。泰式生菜包呢到既生菜包既肉碎十分足料，肉碎都好大粒，調味頗濃，我係食唔慣辣既人，我覺得都頗辣下，不過包埋生菜之後感覺會好少少，辣味唔會維持好耐，不過生菜既份量只得4塊，如果可以
$300
1 views
0 likes
0 comments
呢到地方不算太大，但裝潢有格調又夠靜，入黎食飯傾計，真係幾舒服，而且呢到有越南啤酒提供，同朋友傾到興起，真係可以叫一兩杯架。
香茅串燒牛&串燒雞
呢到既串燒同我地係泰國餐廳食開有好大分別，通常泰式串燒既肉會比較結實，相反呢到既肉會比幼嫩。而且食得到每條串燒都有好香既香茅味，有少少咸咸地，再加埋佢啲甜甜地，又有濃厚既花生味既沙嗲醬，真係一絕！
越式燒蝦卷
越南米紙卷係好出名既傳統美食，入面有青瓜絲, 紅蘿蔔絲, 米粉, 同埋燒蝦，呢到既米粉比較軟身，唔會好鞋口，而燒蝦燒得剛好，食落唔會太乾身，表面有少許微焦，而米紙卷黏度適中，咬落去都幾煙韌，再配上甜酸汁，食落去都幾清新。
泰式生菜包
呢到既生菜包既肉碎十分足料，肉碎都好大粒，調味頗濃，我係食唔慣辣既人，我覺得都頗辣下，不過包埋生菜之後感覺會好少少，辣味唔會維持好耐，不過生菜既份量只得4塊，如果可以多少少就更好。
香茅茶
香茅茶都幾足料，佢直接落香茅同用壺焗，份量都幾足，大概可以斟到5,6杯到，而且飲落好明顯係無添加純天然，無加任何糖份，所以飲落都好順口，飲完對個胃都好舒服
總括黎講，今餐其實都算幾抵食，西營盤地段平均都要3,400蚊起跳，但今次都係200幾蚊就埋到單，又健康又抵食，下次如果有機會都會再試下
Post
