生活知味

Open Now

Now Closed

青衣碼頭搵食真無選擇！ 呢間叫做有少少特別！去到門口要取票等位！15分鐘比到個卡位我哋！卡位略迫！兩個女仔坐都只係剛剛好！叫咗：鹽酥雞扒酸菜豆腐米線香蒜多士熱檸水等咗15分鐘，食物先陸續送上！我一見碗米線！唔係酸菜豆腐！係茄子豆腐！即刻問最近嘅男侍應：「我叫酸菜豆腐！而家係茄子！」佢好像反應唔到！呆咗幾秒！跟著我再問：「咁茄子即係啱唔啱？我怕我食錯其他客嘅嘢！」佢先至拎走碗麵去問吧枱內嘅女店員！之後個女店員問清楚我食乜！轉頭就送返碗麵比我！黑面放低即刻走，但全程兩個一句唔好意思都無！我唔介意食茄子！係怕食咗其他客嘅食物！我都試過餐廳整錯同我講！我都唔會介意照食！但你無問過我！改返啱亦係好正合理！碗麵只係夾走茄子！加酸菜就比返我！因為我在碗內見到條「漏網之魚」，茄子味道都唔錯！酸菜爽口！唔會過咸！酸酸地爽口開胃！米線偏硬！豆腐係炸過！浸湯都唔會爛！味道就無乜特別！整碗麵味道其實唔錯！可惜因為錯咗又換過！攪咗一輪！個湯麵已經凍咗！唔夠熱！ 鹽酥雞扒！上枱仲熱辣辣！我等埋碗麵一齊食都仲夠熱！外脆肉嫩！咸香！正！ 多士好多味道揀！香蒜味道！唔會辣！厚多配微香蒜香！雖然唔夠熱！仲算外脆內軟