紅樹林餐廳 (Closed)

今日朝早諗住同樂樂去大雞大食早餐，點知哎呀．．．佢開12點鐘（星期日），佢腰又痛... 都係唔好周圍去，明知紅樹林係差（初開業幫襯過兩次，一肚火），但係心諗，我都係入去食個早餐姐，．．．煎隻蛋都唔會難食得去邊啦，於是搏一搏，實在唔想拖住個男朋友四圍走啦。行入去，冇人招呼，自己搵完位，有人送上ｍｅｎｕ，但係冇水比我地，要我地事後開聲要．．．（服務分扣一）落完ｏｒｄｅｒ後，餐具送上黎，污糟！！！好似冇乜點洗（衛生扣一）我地要左兩份差唔多既早餐，我：豬扒炒蛋，茄汁豆薯容，好立克樂：雞扒炒蛋，茄汁豆薯容（著餅冇貨．．．九點幾就冇貨？服務扣一），奶茶先黎上兩舊餐包，微暖，牛油刀只比一把（仲要好污糟，上一手ｄ牛油仲痴０係度，衛生扣一），我覺得要等佢用完我先可以「茶」麵包，好唔方便．．．（服務分，倒扣一），因為我唔係一次過茶哂，我係一邊ｍｅｅｔ麵包一路茶牛油。我份早餐送黎：成份早餐都－－－係－－－凍－－－冰－－－冰！！！！點解會係凍？？？？？？！！！炒蛋：好老，散哂，份量超少，一隻蛋都冇豬扒：好咸，好大陣雪藏味！！茄汁焗豆薯蓉：ｄ豆加埋冇十粒．．．薯蓉凍，同埋鞋口到死，．．．生果：有幾粒罐頭生果送比