銀杏館 (Closed)

單睇門面，呢度真係好唔起眼，但入到去有種浪漫溫馨既感覺，店員每個都年長親切，好有中菜館懷舊 feel既西餐廳，好 crossover 啊！大部份食客都要左幾抵食又豐富的二人套餐，但我和朋友選擇散叫。呢度送既前菜唔係面包，而係甘筍條、西芹條和青瓜條，新鮮脆甜。朋友選擇左佢好鍾意既炸薯角 ($38)，唸住熱氣，所以我就點左亞麻籽暖青白露筍沙律 ($88) balance下。點知炸薯角份量好少，跟碟既菜沙律份量好多，早知就唔額外要多一碟露筍沙律。雖然沙律新鮮，但係甘食菜食到我個口都 “寡晒”！另外，我地點左焗鮮菌果仁糙米飯釀原個南瓜 ($128)。南瓜好甘香粉甜，但內里糙米飯太硬身和唔夠味，而伴碟既菜又係好多，今晚真係完全點錯餸，食來食去都係味淡蔬菜‧‧‧最後，我地要左甜品軟心朱古力餅 ($58)。類似心太軟，但中間既醬由酸酸甜甜既果醬代替左朱古力，食落一D都唔膩，好味！呢度環境好閒適，我忍唔住要左支 Rose飲，真係好“hea”！我想快些再黎多次試下其他菜既味道，我唸應該幾好的。