Video
Read full review
2008-10-26
13 views
九月十八日, 284 話想試吓新出既「點點扭扭批」, 所以特登嚟咗 "Pizza Hut" 食飯, 佢話見到用匯豐咭有個好抵食既餐喎~我哋點咗個匯豐優惠套餐 ($230), 套餐包括「點點扭扭批」大批一個、螺肉焗薯蓉、海洋湯兩個、汽水兩杯及雪糕兩個。扭扭批實在麻麻, 中間啲醬佢話係芝士醬, 但我哋都食到有陣芥辣味, 唔係話難食, 但成個批啲醬同啲料唔襯, 但批底又韌韌哋, 邊度啲芝士又硬咗....「螺肉焗薯蓉」都幾好, OK!! 但湯我冇飲, 朋友們都冇出聲話唔得既!另外我哋加咗一個「煙三文魚沙律」($55), 都唔錯, 但感覺上份量好似細咗...仲有「海洋天使麵」($52), 呢個應該係炒既, 畀錢張單有寫, 但 Menu 就冇寫係「炒」...不過呢個麵都炒得幾好食架, 啲料亦都幾多, 唔錯!最離譜係呢個「燒嫩豬仔骨配田園沙律」($46), 收我四十幾蚊得三件仔?!!會唔會過份咗呀! 夠你食定夠我食呢??? 果啲所謂既田園沙律頂晒隆叫「伴碟」咋喎!!味道好普通, 同埋又冇供應啱用既刀切開啲骨, 叫人點食? 最後要拎噃入廚
所以特登嚟咗 "Pizza Hut" 食飯, 佢話見到用匯豐咭有個好抵食既餐喎~
我哋點咗個匯豐優惠套餐 ($230), 套餐包括「點點扭扭批」大批一個、
螺肉焗薯蓉、海洋湯兩個、汽水兩杯及雪糕兩個。
扭扭批實在麻麻, 中間啲醬佢話係芝士醬, 但我哋都食到有陣芥辣味,
唔係話難食, 但成個批啲醬同啲料唔襯, 但批底又韌韌哋, 邊度啲芝士又硬咗....
「螺肉焗薯蓉」都幾好, OK!!
但湯我冇飲, 朋友們都冇出聲話唔得既!
另外我哋加咗一個「煙三文魚沙律」($55), 都唔錯, 但感覺上份量好似細咗...
仲有「海洋天使麵」($52), 呢個應該係炒既, 畀錢張單有寫, 但 Menu 就冇寫係「炒」...
不過呢個麵都炒得幾好食架, 啲料亦都幾多, 唔錯!
最離譜係呢個「燒嫩豬仔骨配田園沙律」($46), 收我四十幾蚊得三件仔?!!
會唔會過份咗呀! 夠你食定夠我食呢??? 果啲所謂既田園沙律頂晒隆叫「伴碟」咋喎!!
味道好普通, 同埋又冇供應啱用既刀切開啲骨, 叫人點食?
最後要拎噃入廚房叫師傅幫我哋切開先食到!!
仲有 284 有張 coupon, 送咗碟「肉醬意粉」, 唔駛錢 (淨係收噃加一), 都唔錯。
最後個芝麻雪糕我冇食到, 因為個 pizza 好膩, 好飽呀!!
唉... Pizza Hut 又一次令我失望!
更詳細資料及圖片請看 : http://hk.myblog.yahoo.com/joycewai616/article?mid=10968
Post
