鼎爺私房菜 (Moved) New Location

阿爺東坡肉，東坡肉口感肥瘦相間，肉質厚身、滑嫩多汁，肥瘦比例恰當，肥肉部分可入口即化，肥而不膩，味道上調味正宗，好入味，伴飯一流。鮑汁扣去骨鵝掌拼花菇，去骨鵝掌營養價值好高，食落啖啖肉，筋量適中，口感滑嫩、皮厚肉少、有咬口，加上採用鮑汁調味，味道上好有鮮味；花菇燜得軟腍，味道香濃。五香滷水牛腱拼火雞腎，牛腱口感厚實、唔韌、爽彈，採用豆瓣醬、麻油、滷水料調味，味道好惹味、濃郁；火雞腎份量十足，口感爽口，味道幾香口。椰菜瑤柱海皇湯2盒，非常足料嘅燉湯，採用新鮮食材製成，瑤柱、其他海產嘅味道令燉湯飲落好鮮甜，椰菜帶來清甜嘅味道，整體味道好順口、天然。