鼎爺私房菜 (Closed)

啱啱放完聖誕長假期，我已經超級期待下月一號嘅農曆新年啦！新年嘅前奏當然要食糕！今年第一糕有鼎爺私房菜 出品嘅「家鄉蘿蔔糕」同「班香椰汁年糕」， 糕點秉承古法秘方足料炮製，不含防腐劑，香港新鮮製造！家鄉蘿蔔糕 (900g)餡料有臘腸、潤腸、臘肉，非常足料。蘿蔔清甜嫩滑，臘味油香惹味，兩面煎一煎香已經好好食！班香椰汁年糕 （900g）呢個好有驚喜！以鮮榨班蘭汁及香濃椰漿製成，入口散發班蘭椰香，清甜不膩，我覺得煎比蒸好食，煎香兩面會外香脆內軟糯，口感一流！除咗「家鄉蘿蔔糕」及「斑香椰汁年糕」，鼎爺私房菜仲推出咗「阿爺芋頭糕」、「千層馬蹄糕」，宜家預購仲有早鳥優惠價！除咗可以去灣仔嘅鼎爺私房菜換領賀年年糕之外，亦可去幸福滋味中心（地址：九龍荔枝角道838號勵豐中心7樓705-706室）選購。沙田及銅鑼灣CitySuper 今年亦有售呢！