鼎·會館 (Closed)

今次黎試左openrice有優惠的午市套餐。裝修都雅緻，頭上係一盞大蓮花燈。每道餸都有待應係旁邊分好先上枱。醬香一口脆, 炸芝麻餅, 脆皮燒腩仔一放低，侍應就建議我哋先食咗嗰一口脆。一口脆其實係腌蘿蔔。炸芝麻餅其實係蝦膠外加左芝麻。因為蝦膠唔夠厚，芝麻比較多的關係，淨係食到芝麻味，口感都幾Q彈。花膠雪梨燉嫩雞 飲得出都足料，入面仲有花膠。紫晶咕嚕肉 呢個係火龍果咕嚕肉，咕嚕肉都ok，但食唔到火龍果味。薑蔥頭抽煎星斑球 呢個強烈推薦星斑食落去仲好新鮮，加上蔥好夾。雲耳豆卜鮮支竹 豆卜同支竹睇落好似。豆卜好入味。枝竹外表同豆卜好似，食落一層層好平均，意外地好食。松露雞粒燜飯 唔好睇每碟都好細咁，食到尾個肚已經頂住頂住。是日甜品: 芝麻糊芝麻糊有啲稀，食落芝麻味唔夠。總括而言，食物質素都可以，但個人認為性價比唔高，呢個價錢黎講可以有更好的選擇，沖住鼎爺個名黎試一次就夠了。