Hangry Bear BBQ (Closed)

今日放工經過荃灣見到有間野專賣bbq野既店舖入去睇下發現其實都幾齊全d bbq野，岩岩好可以補少少野晚上bbq。扒類唔同味道唔同醃製都算多選擇，扒類本身都算多算齊全。仲有一盒盒菜整好可以買去直接bbq。海鮮，丸，腸仔等等都有得選擇。傳統汽水或者有機飲品都有得選擇。味粉調味料都有唔少選擇。仲有蜜糖，鹽，茄汁，薯片，錫紙，膠杯，夾，筷子都有得買。今日只係負責補買，所以買左秘製牧場蒜蓉雞扒，秘製蒜香豬扒，秘製印度咖哩魷魚。秘製牧場蒜蓉雞扒：夠晒入味，肉質都唔錯。冇好雪既味道。秘製蒜香豬扒：豬扒同樣入味，肉質良好。秘製印度咖哩魷魚：咖哩味香口，唔算好辣但野味非常。魷魚口感質感都好好，爽口彈牙好味道。