Video
Read full review
2017-10-29
9303 views
係香港既日本菜多的是, 係鬧市的如旺角,尖沙咀, 中環, 要高級既, 要超值放題, 如天上繁星, 但要搵最具代表性, 同地標性, 我敢向旅客/食客推薦這間香港築地- 山貴水產! 點解, 你問我點解, 即刻去相~~首先, 位於灣仔碼頭2 樓, 無論你去完會展, 金紫荊廣場, 定係由尖沙咀坐渡海小輪過黎都極之方便, 入到店內, 前半部有飲品小吃, 生果零食, 手信自用都岩, 趕時間既都有便當立食區, 當然還有高級酒類, 方便當場伴食。後半部分大致分為4間料理店, 濱燒﹑海鮮丼﹑龍蝦包, 魚生海鮮壽司連梅酒及魚池區, 地方寬敞, 跟日本傳統魚市場很大分別, 其實應該叫海產超市比較岩, 大慨冇咩人鐘意去又濕又暗同腥味既環境下去品嚐美食。呢度仲有無敵大海景, 飽覽維港景色, 絕對無得輸！說回來, 本先約了朋友來晚飯, 但佢有事要遲點來, 我便先食個丼飯醫下肚先, 揀左個七色北海丼, 樣樣材料都可以試下嘛! 七種味道, 仲有三種食法: 原本丼飯加芥末醬油, 第二用紫菜卷起來, 最後剩低既材料可以加入高湯, 成為茶泡飯。面對舖滿整個飯面既七色刺身，望落都覺豐富，我當然先吃了三文魚, 赤身, 中拖羅
首先, 位於灣仔碼頭2 樓, 無論你去完會展, 金紫荊廣場, 定係由尖沙咀坐渡海小輪過黎都極之方便, 入到店內, 前半部有飲品小吃, 生果零食, 手信自用都岩, 趕時間既都有便當立食區, 當然還有高級酒類, 方便當場伴食。
後半部分大致分為4間料理店, 濱燒﹑海鮮丼﹑龍蝦包, 魚生海鮮壽司連梅酒及魚池區, 地方寬敞, 跟日本傳統魚市場很大分別, 其實應該叫海產超市比較岩, 大慨冇咩人鐘意去又濕又暗同腥味既環境下去品嚐美食。呢度仲有無敵大海景, 飽覽維港景色, 絕對無得輸！
說回來, 本先約了朋友來晚飯, 但佢有事要遲點來, 我便先食個丼飯醫下肚先, 揀左個七色北海丼, 樣樣材料都可以試下嘛! 七種味道, 仲有三種食法: 原本丼飯加芥末醬油, 第二用紫菜卷起來, 最後剩低既材料可以加入高湯, 成為茶泡飯。
面對舖滿整個飯面既七色刺身，望落都覺豐富，我當然先吃了三文魚, 赤身, 中拖羅點芥末醬油, 之後海膽, 帆立貝做手卷, 清淡之中才更突顯鮮甜, 最後牡丹蝦連頭加三文魚籽, 成茶漬飯。三文魚籽晶瑩通透,入口有鹹鮮的味道, 跟湯飯食也唔錯既選擇。
吃完丼飯之後, 朋友才姗姗來遲, 跟他吃濱燒, 識逢啤酒際,
點個海鮮拼盤套餐, 都算幾超值, 因為都幾大份, 雖然大部份都係我朋友食(因為我食完丼飯打底), 另外加點個月見自家制免治雞肉串燒, 雞肉好嫩滑, 裡面有雞軟骨增加返口感, 佐酒一流。
大蝦用鹽燒, 夠香又彈牙, 吞拿魚鮫原來係非常多肉, 而且都幾滑, 三文魚西京燒都夠惹味, 魷魚夠彈有趙口, 仲有2杯冰凍既啤酒, 起冰既泡沫已經夠特色啦! (雖然有點可惜既係, 套餐不能轉其他口味), 但係甘靚景色下, 同朋友暢飲已經夠風花說月了。
Post
