西偲名屋 (Closed)

車程入西貢過程中，聽著收音機，講起詹sir 介紹餐廳，好奇走去望望，橫掂西貢假日咁難泊車，我只好泊去海旁街個頭，行埋去餐廳市場街，都係近既。離遠望，藍白色，好吸引，去唔到希臘，都去下似希臘的餐廳。入到去，最吸引既，係咖啡杯，一方面colourful, 一方面價錢合理。第二吸引，就係菜單名，因為好好笑，例如: 前度咖啡，空肚食早餐，是但整意粉。其實好體現心「心隨景出」，心情好，望既、食既都是好的。是日，叫了個空肚食早餐，好老實，我個陣真係空肚，加一杯果茶，目不暇給，用來自拍都抵。簡單一小時，開開心心用膳，除左裹腹之餘，心情都charge charge 電。