Video
Read full review
2016-09-01
1114 views
先慶一慶食開工飯，見有六人，自己又想試私房菜，就訂位叫餐啦！首先，你必先上佢FB度揀餐單，以人頭計，以自己可負擔嘅budget而揀，平有三百頭，個餐單內容一般，最後我地（其實係我）揀左個$398餐。頭盤沙律、木耳同秋葵，好新鮮，離開時見到係自家種值，加埋個醬，鮮味好出！清新完就食冷盤流心蛋，入口即溶，而個茄子炸到岩岩好，碟底嘅汁少少辣，帶番起好野味。個頭開得好好，對之後嘅熱盤都有期望！先上湯，絕對係老火湯，鮮味、肉味、濃湯味，一飲就知煲左好耐，而且每位上，感覺係盅燉湯，絕對唔係大煲湯之後分。見到帶子係黃禁禁嘅野上面，一食，原來個底係蛋白，蛋白內有上湯味，好有心思嘅煮法，但黃禁禁嘅面⋯⋯有d甜，但唔係芒果，真心估唔到！油炸鬼咪油炸鬼，一筴原來入面有乾坤，入面釀左蝦膠，爽口彈牙，加埋酸甜醬，一流！黃金蝦，一上我地全枱讚賣相好，碟邊重有薯蓉，蝦好脆口，好香口，連殼都可以食埋，大隻多肉，個頭都keep到下汁，好好味！去到雞，係招牌菜，果然係無錯，雞肉嫩口，濃汁，個底嘅洋蔥吸晒d汁，真係食完一件又一件，但對女仔來講，食到呢度已經好飽，戰鬥力真係無咩！清清地食番碟菜，讓我們行更遠嘅路！荷葉魚飯，都
首先，你必先上佢FB度揀餐單，以人頭計，以自己可負擔嘅budget而揀，平有三百頭，個餐單內容一般，最後我地（其實係我）揀左個$398餐。
頭盤沙律、木耳同秋葵，好新鮮，離開時見到係自家種值，加埋個醬，鮮味好出！清新完就食冷盤流心蛋，入口即溶，而個茄子炸到岩岩好，碟底嘅汁少少辣，帶番起好野味。個頭開得好好，對之後嘅熱盤都有期望！
先上湯，絕對係老火湯，鮮味、肉味、濃湯味，一飲就知煲左好耐，而且每位上，感覺係盅燉湯，絕對唔係大煲湯之後分。
見到帶子係黃禁禁嘅野上面，一食，原來個底係蛋白，蛋白內有上湯味，好有心思嘅煮法，但黃禁禁嘅面⋯⋯有d甜，但唔係芒果，真心估唔到！
油炸鬼咪油炸鬼，一筴原來入面有乾坤，入面釀左蝦膠，爽口彈牙，加埋酸甜醬，一流！
黃金蝦，一上我地全枱讚賣相好，碟邊重有薯蓉，蝦好脆口，好香口，連殼都可以食埋，大隻多肉，個頭都keep到下汁，好好味！
去到雞，係招牌菜，果然係無錯，雞肉嫩口，濃汁，個底嘅洋蔥吸晒d汁，真係食完一件又一件，但對女仔來講，食到呢度已經好飽，戰鬥力真係無咩！
清清地食番碟菜，讓我們行更遠嘅路！
荷葉魚飯，都有d油，飯都吸晒汁，魚鮮，不過真係食唔落落去，因為重有甜品。
先有四種味雪糕（朱古力、芒果、綠茶同曲奇），朋友話可能係自己整，唔會係事面買到嘅大牌子。另外，有炸香芋頭蓉嘅煎堆，飽都要食埋去！
整體真係好好，貨真價實，值回票價！
Post
