功德林上海素食 (世貿中心) (Closed)

我已有十幾年未真正去齋鋪食齋了，因沒有志同道合，家人不喜食素，故我好少去齋鋪。咁啱，親友到來，他們都好喜歡食得清淡，就相約去食返餐齋宴。我們行去銅鑼灣呢間餐廳，是老字饕，以前是地鋪，現在已搬上了樓上鋪，食品一樣出色。意想不到，仲可以看到夜景，眺望九龍半島夜景，增添晚餐情調。餐廳裝修華麗明亮，寬闊擺設，各自享受美食，眼看有本地、外國人、大陸人。食素跟食暈，都有一樣，琳琅滿目，款式多。京滬酸辣湯羹 ，湯底夠稠，味濃，酸辣可口，竹笙爽滑，豆腐滑溜、筍絲鮮甜，味覺一流。香濃三絲魚翅羹，用料十足豐富，湯底香濃，鮮味。生炒魚片，賣相吸晴，味道唔錯，雖是齋魚片，但魚味相同，爽口，配菜夠清爽。南乳香芋雞煲，陣陣南乳飄香，未食，已口水流，香芋好粉，入口即溶，吸入了南芋汁，更增添了香芋的香濃，成了主角，雞只不過是陪襯品。蘿蔔絲酥卷，外脆內清甜，沒油膩，咬開，仲有蘿蔔絲的汁溜出，口感酥化。桂花豆腐花，清甜陣陣桂花香，豆腐花幼滑，滋潤美味。