八歌仙 (家樂坊) (Closed)

約咗啲酒肉朋友食嘢，九點開始有七五折，食咗B餐，個人覺得以呢個價錢嚟講。抵食都算，佢七五折再加一之後400頭，咁多食物嚟講算係幾抵，又可以打邊爐又可以燒肉，勁多肉食左，個人覺得打邊爐嘅肉好食啲可能個燒烤火爐一般啲嘢好似燒得乾爭爭咁，同埋好似比較慢，食肉都飽晒，所以食咗其他嘢比較少，壽司手卷同埋天婦羅嗰啲都冇叫。叫咗雞翼超好食出乎想像，所以下次都有機會會再嚟食，就食少啲肉食吓其他嘢，到時可以叫a餐試吓都好，因為除咗肉之外，佢其他熟食都係差唔多，咁樣仲會更加抵食。另外一提佢晏晝a餐199仲有七五折，其實真係超抵，因為通常晏晝都係得一個鐘食飯，食得幾多啊？呢個價咁多嘢食，真心可以一試，不過我食嘅時候，OpenRice有得book位，但係之後介紹朋友食，佢哋話已經冇得訂，打電話打咗幾日都冇人聽，所以最後放棄咗，希望可以有得喺OpenRice book返位。咁就方便啲啦