Video
Read full review
2021-03-08
5677 views
星期五約左4人飯聚，齊齊探婆婆，揀左近期人氣店婆婆珈啡屋，之前餐廳收6:00太早去唔到，而加改左收9:30，放工即去一轉，thank田會長book位，book左8:00，4位。7點多去到，見咁早就係婆婆雜貨店行下，雜貨店同cafe係同層，出面係雜貨店，行到入去就係cafe。雜貨店售賣日本及不同國家的工藝品，甚有特色。行左陣去cafe，開始有波折⋯餐廳話冇呢個booking，@_@！同朕再check下發現係漏左呢個booking...都幾混亂⋯不過都盡快安排到4位比我地，入到去坐剛好8:00，用餐時間1.5小時。餐廳走日式懷舊風，具昭和風格，木枱椅及牆身，枱上擺放了盆栽及日式擺設，玻璃吊燈、懷舊電話等裝飾，甚有復古之感，打卡一流。自助取餐具，斟水，蝶豆花水可一試。我地4人坐的位置，類似廂房，坐位闊洛，感覺舒適自在。主打和式輕食，飲品有茶、咖啡等。唔知係味做埋晚市之下，好多食物都冇(想試的月夜及茄子都售罄)，只好食其他。先付款後上餐，但都係照有加一服務費。蝶豆花水，同清水一樣冇乜味，但靚。柚子冷珈琲，$68，上層是Espresso ，底層是柚子，味甜酸酸甜甜，清爽之感。富士山，$78，田會
星期五約左4人飯聚，齊齊探婆婆，揀左近期人氣店婆婆珈啡屋，之前餐廳收6:00太早去唔到，而加改左收9:30，放工即去一轉，thank田會長book位，book左8:00，4位。
7點多去到，見咁早就係婆婆雜貨店行下，雜貨店同cafe係同層，出面係雜貨店，行到入去就係cafe。雜貨店售賣日本及不同國家的工藝品，甚有特色。
行左陣去cafe，開始有波折⋯餐廳話冇呢個booking，@_@！同朕再check下發現係漏左呢個booking...都幾混亂⋯不過都盡快安排到4位比我地，入到去坐剛好8:00，用餐時間1.5小時。
餐廳走日式懷舊風，具昭和風格，木枱椅及牆身，枱上擺放了盆栽及日式擺設，玻璃吊燈、懷舊電話等裝飾，甚有復古之感，打卡一流。
自助取餐具，斟水，蝶豆花水可一試。
我地4人坐的位置，類似廂房，坐位闊洛，感覺舒適自在。
主打和式輕食，飲品有茶、咖啡等。唔知係味做埋晚市之下，好多食物都冇(想試的月夜及茄子都售罄)，只好食其他。
先付款後上餐，但都係照有加一服務費。
蝶豆花水，同清水一樣冇乜味，但靚。
柚子冷珈琲，$68，上層是Espresso ，底層是柚子，味甜酸酸甜甜，清爽之感。
富士山，$78，田會長的。
五品料理，$128。自選料理，可選3 cold 2 hot 或 3 hot 2 cold。
用上精緻的器皿盛載，甚有美感。
啤酒柚子蘿蔔漬，自家製的漬物，口感爽脆，酸酸甜甜好開胃。
明太子富士山飯團，賣相精美，富士山的造型好可愛，飯團冇乜特別味道，內餡明太子好少，味道普通。
冷菜：胡麻菠菜，味道清新。
冷菜：清酒溏心蛋，入口軟滑，食食下先有微微的酒味。
熱菜：婆婆咖哩，味道唔太辣，甜甜地，溫和口味，內有雞肉、薯仔及紅蘿蔔等，份量適中，味道不俗。
辛口明太子手羽，賣相飽滿，內有好多明太子，少少辣，都ok。
蒲燒鰻魚，鰻魚質素，都幾大差異，鰻魚偏瘦同焦，味道普通。
田會長同小機的鰻魚好肥美⋯我同king嘅鰻魚好似魚乾⋯
冇比較冇傷害www。
昭和焦糖布丁，$42，似乎係人氣，得返一個，賣相好吸引，動L～好有彈性，味道普通。
沖繩海鹽·富士山，$98。
打卡之選，富士山蛋糕，用芝士蛋糕及海綿蛋糕組合而成，上層是奶蓋，有片糖漬柑桔作點綴，十分精美，食落芝士味濃。海鹽雪糕，鹹甜交織，味道有層次，牛油味都重，質感都有點牛油之感呢。
北海道牛乳芒果千層蛋糕，$52，味道一般。打卡之選，環境取勝，食物賣相精美，味道普通，咖哩較好味，熟食價格合理，甜品貴少許，幾有特色值得一去。
Post
