千里屋食堂 (Closed)

最近變咗港島區嘅我，好多時候都會係港島區到覓食，行開銅鑼灣，見到呢間主推鹿兒島黑和牛嘅小店，就想試一試喇價錢其實真係有貴有平，平嘅有牛肉丼飯，貴嘅有和牛壽喜燒、鐵板和牛等等我就揀咗和牛牛肉壽喜燒套餐，其實都幾豐富，套餐包括有和牛片、兩款前菜、蔬菜、漬物、味噌湯同生雞蛋。其中一款前菜係燉牛肉，牛肉幾淋又帶點牛香，仲有啲香蔥碎，加咗啲清新味道；另外一款就係卷蛋，中間係微微半熟，所以一啲都會好乾。壽喜燒湯底滾起之後，就可以放入和牛片，甜醬油味道頗濃，同牛肉味幾夾，食得多會有啲漏，所以配埋生雞蛋漿，感覺無咁膩，而且令到牛肉口感更加嫩，食落牛肉富有牛香，而油脂分佈，口感未可以去到入口即溶嘅感覺，但係因為係和牛嘅關係，肉質都尚算嫩男朋友就揀咗高級黑安格斯牛肉牛扒套餐，同樣有兩款前菜、蔬菜、漬物及味噌湯。呢個嘅食發有啲似吉烈牛，牛扒本身已經微微煎過，但係中間都係比較生嘅，所以食之前要放上鐵板到燒一燒先好食，但係又唔洗太耐，如果唔係就會太老喇。煎香嘅牛扒都幾惹味，雖然都有牛香，但係就無前者咁重味，啲牛肉汁同啲珍珠米嘅味道都幾夾~