龍亭

🐻👩🏻一句話好耐無食鐵板燒，🐻👨🏽立刻搵下有邊度好食，睇到龍亭好評如潮，即刻打電話問下，好彩仲有位，🐻👩🏻有口福啦。收工出發去到位處佐敦既龍亭，門面係霸氣十足既龍亭二字，二話不說殺入去店面。坐低望下餐牌，揀左五道菜既廚師發板套餐，盛惠$588每位。前菜係格陵蘭魚子醬煙三文魚沙律，沾上黑醋，咸香爽酸齊集，伴碟既龍珠果甜中帶酸，食完好開胃。緊接而來係鐵板海鮮，帶子以意大利黃瓜墊底，清爽既黃瓜搭配帶子既鮮甜，係一種新鮮既體驗。石班魚佐柚子醬油，魚皮煎到香脆，魚肉嫩滑，柚子醬油微酸既味道剛剛好點綴。鮑魚配蒜蓉醬，鮑魚口感Q彈，配上蒜蓉香，惹味到幾啖就食完。最後係元貝佐黑椒牛油醬，香濃牛油沾滿元貝，咸甜味混為一體。澳洲牛柳粒點左五成熟，配上必備的炸蒜片同手磨wasabi，特別之處係用左竹炭鹽，食落口感軟淋，肉味香濃，伴碟既櫻桃蘿蔔可以去油膩感。主食係海鮮炒飯，大廚炒得好乾身，雞蛋都炒到脆卜卜，配上黑松露醬魚子，鮮味咸香，好惹味，三扒兩撥就清哂，食完成餐飯🐻👩🏻都好滿意，🐻👨🏽值得讚揚。