義香荳腐食品

Open Now

Now Closed

搵位度：🌟🌟🌟抵食度：🌟🌟🌟🌟🌟好食度：🌟🌟🌟🌟其實住喺九龍城嘅街坊都知呀，呢間最緊要就係買佢嘅豆粉煮餸啊打邊爐簡直係一流，堂食小食，只不過係佢嘅副線。我自己打邊爐一般會買一磚$5豆腐，再加一盒廿零蚊嘅腐竹，真係好食啲。講返堂食，講緊仲係$10嘅價錢，講到好食到有幾飛天都係呃人，每次我去都會嗌釀豆腐同埋豆腐花，釀豆腐屬於接近臭豆腐嘅質地，的確係其他地方食唔到，加埋佢嘅辣醬真係龍城好滋味。可惜收到風，由於舊樓清拆，佢去到2025年過年前就會執笠，希望佢可以喺第二度重開啦，不過之前聽過啲YouTube嘅訪問佢就未必會。