Video
Read full review
2008-12-09
28 views
師傅約左一位好耐冇見嘅朋友"花姐"出黎食飯, 而地點佢就揀左呢間食店, 師傅起初都不以為言, 點知見得閒又上黎望一望啦, 發覺劣評如潮, 然後心諗唔係咁大整蠱呀? 不過既然都約好喇, 就豁出去試一次啦!師傅知道訂左枱, 由於早到所以去攞位先, 當攞位時, 個侍應話要兩小時後交枱, 黎cafe要兩個鐘反後交枱, 呢個舉動師傅都係第一次聽, 不過是但啦, 入左去先算啦!等左一陣花姐都到喇, 於是第一時間睇下有咩好食啦, 師傅同花姐講呢間食店口碑麻麻, 花姐就話以前都幾得, 既然係咁等師傅試下, 係龍係蟲一試就知啦! 花姐份人好鬼懶, 連食都懶得諗, 好彩撞著呢個為食師傅, 於是師傅就揀左兩個主菜, 一個係地中海式海鮮奄列意粉, 另一個就係千島小龍蝦薄餅, 兩客都係晚餐, 有餐湯, 甜品同餐飲!等左一陣就有得食, 打頭陣嘅有餐湯, 餐湯係忌廉粟米湯, 湯底唔稀唔杰, 味就咸左少少, 但粟米都幾爽甜, 可以啦; 輪到試地中海式海鮮奄列意粉, 話明係奄列意粉, 點解d意粉會喺奄列嘅面頭呢? 師傅都覺得有d奇怪, 再講海鮮淡而無味, 意粉亦是如此, 師傅好勉強咁撩左幾野就放棄喇; 到千島小龍蝦薄餅
師傅知道訂左枱, 由於早到所以去攞位先, 當攞位時, 個侍應話要兩小時後交枱, 黎cafe要兩個鐘反後交枱, 呢個舉動師傅都係第一次聽, 不過是但啦, 入左去先算啦!
等左一陣花姐都到喇, 於是第一時間睇下有咩好食啦, 師傅同花姐講呢間食店口碑麻麻, 花姐就話以前都幾得, 既然係咁等師傅試下, 係龍係蟲一試就知啦! 花姐份人好鬼懶, 連食都懶得諗, 好彩撞著呢個為食師傅, 於是師傅就揀左兩個主菜, 一個係地中海式海鮮奄列意粉, 另一個就係千島小龍蝦薄餅, 兩客都係晚餐, 有餐湯, 甜品同餐飲!
等左一陣就有得食, 打頭陣嘅有餐湯, 餐湯係忌廉粟米湯, 湯底唔稀唔杰, 味就咸左少少, 但粟米都幾爽甜, 可以啦; 輪到試地中海式海鮮奄列意粉, 話明係奄列意粉, 點解d意粉會喺奄列嘅面頭呢? 師傅都覺得有d奇怪, 再講海鮮淡而無味, 意粉亦是如此, 師傅好勉強咁撩左幾野就放棄喇; 到千島小龍蝦薄餅, 其實唔講都知邊有小龍蝦, 只不過係蝦仔, 不過蝦身都算爽口, 而薄餅就真係名乎其實嘅薄餅, 薄薄嘅餅乾係咁易烘下佢, 真係唔掂, 好彩呢個薄餅有千島醬, 所以味道夠入到口, 不過都係唔得!
餐飲師傅揀左青蘋果綠茶, 皆因心諗呢d衰極有個譜啦, 點知師傅真係估唔到仲有得衰嘅, 青蘋果綠茶裡面放入幾片切左嘅青蘋果, 賣相絕不討好, 而味道的確係有青蘋果味, 但唔知點解綠茶係苦嘅, 基本上都幾難飲, 失敗; 而甜品就係哈密瓜果凍, 淨係睇個樣已經覺得唔方好味得去邊, 試一啖後師傅已經投降, 藥水味甚濃, 絕不好味!
總括黎講食物質素甚差, 絕對唔合格, 而環境幽暗, 好似好有情調咁, 服務就一般, 好多時都搵唔到個伙計, 價錢唔見到平喎, 埋單一百八十五, 唔抵食; 黎cafe食飯都係貪佢坐得夠耐啫, 點知呢度只提供兩小時, 有d搵笨; 好彩花姐都覺得呢間野退步左好多, 而食物方面師傅已經係柯打佢地嘅推介, 如果唔係一定仲差; 笑臉絕對絕對絕對唔會比, 亦冇可能再黎!
Post
