Video
Read full review
2023-02-13
41 views
今次👧🏻同媽媽👩🏻就諗住去新開嘅將軍澳跨灣大橋🌉，事先就去歎個Afternoon Tea！龍島新開咗兩間Lucullus Cacao分店，分別喺奧海城同康城，主打各款單品朱古力美食🍫同咸點。除咗有Afternoon Tea Set，仲有酸種麵包、酥皮窩夫🧇。🍫CACAO Afternoon Tea Set $438頂層：🌟菲律賓85%單品朱古力軟心蛋糕喺眾多甜品中，呢件朱古力軟心蛋糕嘅朱古力濃度係最高！用上85%朱古力，酸苦度同餘韻頗重。朱古力軟心細滑，另外有兩層蛋糕都幾濕潤。🌟經典紐約芝士蛋糕芝士咸鮮味頗明顯，略帶Sour Cream嘅微酸，質感唔算好結實。🌟招牌手工朱古力有兩粒手工朱古力，其中👧🏻就幾欣賞焦糖榛子朱古力🌰，焦糖層非常薄，唔會太甜膩。第二層：🌟泰國70%單品朱古力夾心千層酥由兩件蝴蝶酥🦋夾著朱古力醬，面層再灑上可可粉。蝴蝶酥酥脆，牛油味就唔太明顯🧈。🌟紅寶石朱古力夾心千層酥同樣由兩件蝴蝶酥，夾著粉紅色嘅紅寶石朱古力醬。面層就有少量士多啤梨凍乾碎🍓。🌟蟹肉酥皮撻迷你嘅酥皮外殼盛載著蟹肉絲，蟹肉🦀️略帶咖哩味。第三層：🌟吞拿魚三文治三文治🥪包皮並唔係普通方包嘅質感，而係有少
🍫CACAO Afternoon Tea Set $438
頂層：
🌟菲律賓85%單品朱古力軟心蛋糕
喺眾多甜品中，呢件朱古力軟心蛋糕嘅朱古力濃度係最高！用上85%朱古力，酸苦度同餘韻頗重。朱古力軟心細滑，另外有兩層蛋糕都幾濕潤。
🌟經典紐約芝士蛋糕
芝士咸鮮味頗明顯，略帶Sour Cream嘅微酸，質感唔算好結實。
🌟招牌手工朱古力
有兩粒手工朱古力，其中👧🏻就幾欣賞焦糖榛子朱古力🌰，焦糖層非常薄，唔會太甜膩。
第二層：
🌟泰國70%單品朱古力夾心千層酥
由兩件蝴蝶酥🦋夾著朱古力醬，面層再灑上可可粉。蝴蝶酥酥脆，牛油味就唔太明顯🧈。
🌟紅寶石朱古力夾心千層酥
同樣由兩件蝴蝶酥，夾著粉紅色嘅紅寶石朱古力醬。面層就有少量士多啤梨凍乾碎🍓。
🌟蟹肉酥皮撻
迷你嘅酥皮外殼盛載著蟹肉絲，蟹肉🦀️略帶咖哩味。
第三層：
🌟吞拿魚三文治
三文治🥪包皮並唔係普通方包嘅質感，而係有少少煙韌。吞拿魚碎內落咗少少辣粉🤏同酸瓜(/青瓜🥒)，味道上都算豐富。
🌟巴馬火腿法式吐司
法式吐司烘得好脆，再放上Parma Ham同加上少量意大利黑醋，以咸香味主導。
🌟碎蛋沙律撻
用上奇曲撻釀入碎蛋沙律，多蛋黃幾Creamy。
底層：
🌟馬達加斯加72%單品朱古力芒果慕絲杯
朱古力慕絲質感幾厚實，配上芒果醬🥭同果肉夠曬清新！
🌟意大利芝士蛋糕杯
可能係Mascarpone Cheese比例較高，Tiramisu質感都比較厚實，咖啡味☕️非常濃郁，手指餅亦浸透咖啡酒，非常滿足。
🌟英式牛油鬆餅
牛油鬆餅配自家製雜莓果醬同Clotted Cream。Scone有再翻熱過，牛油味濃烈，外脆內裏質感濕潤，係近排食過嘅Scone入面最高質🥇。
🌟菲律賓單品可可英式鬆餅
可可英式鬆餅並唔係混入朱古力粒，唔會太甜，同原味Scone一樣外脆內濕潤。
餐飲：
🌟 S.O.C. (Single Origin Chocolate) +$15
熱朱古力用上有莓果氣息的72%馬達加斯加可可製作，雖然同坊間一樣用上朱古力+鮮奶製成，但質感係非常濃稠。面層再吱上鮮忌廉，灑上朱古力粉及朱古力碎片，極度滿足🥰😈。
🌟 CACAO Tea (Hot) +$15
第一次飲可可茶，原來係用咗經烘焙及研磨而成的純天然菲律賓單品可可原豆外殼沖泡，可可味芳香，茶味比較溫和。
Post
