大阪王將 (Closed)

新一集龍珠啱啱睇完 ，見到見到餃子冇分出場，有啲失望 ，決定食餐餃子賀一賀佢。先黎元祖大阪王將手製煎餃子， 大大隻 ，飽肚到十足，抵食加分。 餃子底部煎得脆卜卜 餃子嘅內裏熱辣辣，新鮮上枱。再黎明太子餃子， 最欣賞佢上面嘅沙律醬甜甜酸酸 ，但又唔會遮蓋咗餃子本身嘅鹹香味。燒雞軟骨串， 最估唔到嘅佢真係燒， 平時喺出面食寫就寫燒，但係呢到一定係假嘅。 只喺呢樣誠實嘅表現，已經值得鼓舞。 當然雞軟骨點會唔好食， 為沒有難食的理由。和風炸雞拌芥末沙律醬， 炸雞大大嚿 一碟有四舊， 外脆裏面肉汁豐富， 肉質鮮嫩。主食豬骨湯東坡肉拉麵， 豬骨湯底 好香豬骨味， 至於東坡肉肥瘦適中， 至於拉麵 普通貨色。熱生薑茶， 驅風一流， 熱飲熱辣辣。同大阪嘅味道有九成似，最重要比大阪嘅更抵食。 下次要食天津飯。