龍皇酒家 (黃埔天地美食坊) (Closed)

龍皇好似係我地飯堂，每個星期都去某分店，去足接近9年。但是今日小朋友想去冒險樂園，所以一早去黃埔花園。龍粉嘅我地又係去龍皇。出乎意料之外，星期六10點去到黃埔龍皇，唔洗等位。行入去，有個亞姐離遠大嗌，坐啦，飲咩茶？我地也只好離遠大叫，普洱呀唔該！好...地道。黃埔呢間龍皇唔大，大熱天冷氣唔涼，可能因為老區，有好多老人家飲茶。坐低先知10前結帳有優惠，所以所有侍應忙到癲咗，服務態度欠奉。甫坐下不久，聞到成間酒樓一陣味，好大油煙，加上冷氣少，最慘今天著了件新的絲質襯衫，索晒陣味，唉。問侍應整緊咩，個個避而不答。只見兩個黑衣人忙於煎魚然後放入外賣膠盒。好大陣味同油煙。之後諗下，間酒樓得一半滿，中伏了。希望會有改善，我們會再來的。