竹青亭 (Closed)

竹青亭係太子《青花亭》嘅姊妹店。呢間餐廳最特別嘅就係佢啲主菜、湯、飲品嘅名稱非常之有創意，例如係三文魚他他咁，個菜名就叫做「雲吞～他他要進來了」真係好潮啊！我隔離枱有個小妹妹，佢落單嘅時候杯飲品叫做茉莉很清楚收兵好過嫁人，佢咁細個講出嚟真係好好笑！前菜我叫咗個牛肝菌濃湯，都打得幾均勻。主菜就叫咗個「牛油慢煮原隻龍蝦尾，龍蝦原汁三角意大利麵」。龍蝦燒得非常之好食，肉質鮮甜，表層香脆，個麵係三角形扁平狀嘅，都幾得意，吸哂龍蝦味。