The Point - Pizza & Pasta (將軍澳中心) (Closed)

今日約朋友係將軍澳中心嘅The Point食飯，餐廳呢排有個龍蝦二人餐，一於試試！先嚟一碗龍蝦濃湯，加埋塊脆嘅麵包一齊食，好夾 之後係龍蝦沙律，入面有紅菜頭，感覺好健康，連賣相都一流！主菜有龍蝦pizza，pizza邊好脆，龍蝦肉已經係個pizza度，餐廳好有心思咁釀咗啲菇入龍蝦入面，又有另一番風味！之後我哋揀咗個龍蝦芝士焗通粉，送個通粉上嚟嘅時候發生咗個小插曲，侍應們都好幫忙，而且好有禮貌，值得一讚！甜品我哋叫咗雪糕brownie，入面仲有香蕉合桃 嘢飲我哋就叫咗蜜桃茶同埋一杯有Bailey嘅熱朱古力，味道都好夾！