Hungry Lobster (Closed)

登龍街除左有拉麵食之外 ，仲有龍蝦包食， 龍蝦湯、龍蝦意粉、仲有原隻龍蝦添...... 龍蝦湯（$58） 用上大圓湯碗盛載，龍蝦味道濃厚美味，夠熱且賣相不俗，兩個人share一碗也可以。 卡邦尼意粉（$98） 卡邦尼意粉味道超好，卡邦尼味道濃郁可口，入口creamy,意粉質感爽滑，掛汁力高，非常yummy. 另外還點了個龍蝦包牛扒組合（$348） 包括了價值$138的龍蝦包、8oz肉眼牛扒、薯條、沙律。 龍蝦包烘得脆脆的，金黃香口，夾著幾大粒鮮嫩美味的龍蝦肉，實在叫人回味。 肉眼牛扒點了7成熟，肉質鮮嫩有濃濃肉香鮮味，碟旁邊還有鹽可輕輕調味。