南洋 (Closed)

龍蝦喇沙摻摻($108)，買隻龍蝦差唔多都要$60~80，依家哩個價錢就食到簡直物超所值，有埋手套用可以食得方便d，龍蝦超大隻，拆開成隻由頭到身都係膏，啖啖肉好滿足，蟹箝厚肉，哩個菜式係由兩種麵組成，分別係油麵和米粉，湯底香濃有椰味，帶微辣。金沙骨肉骨茶($58)，肉骨茶味濃郁，相信用左藥材長時間熬製，有3至4件金沙骨和一件原隻蒜頭，金沙骨既肉帶少少肥膏，炆得好淋，一咬骨肉分離。芒果軟殼蟹米子卷($68)，餡料主要為疏菜，清清地夠健康，蘿卜絲係醃漬物，酸酸尾尾開胃，我自己較喜歡個米子皮，煙煙韌韌好有口感，軟殼蟹香脆。咸檸可樂($28)。牛油果沙冰($40)，透心涼飲品之選，沙冰磨得好軟綿幼滑，而且一飲口腔有陣陣牛油果香味。