Day and Nite by Master Kama (Closed)

雖然成日都經過山東街呢個位，但從來都唔發現原來呢度有間主打龍蝦嘅餐廳。因為餐廳係一樓，地下個入口只有個細牌，所以都係友人推介先知。不過可能最近龍蝦大熱，所以唔book位walk-in應該都有排等。餐廳裝修以簡約為主，以藍白做主色，牆身仲有d龍蝦圖案，不過目測座位唔多。因為見到Menu寫龍蝦包（188蚊／客）係限量供應，所以黎到第一件事就係點左兩客龍蝦包先。龍蝦認真足料，而且夠新鮮。不過我就特別欣賞佢有埋蕃薯條，而且成個display好吸引！不過同龍蝦包比較，呢個意式龍蝦海鮮薄餅就差左少少，龍蝦成分好似少左d咁。飲品方面就叫左杯Cookie & Mint 同 Strawberry & Rose Tea，前者個人認為影相靚，但就有點太甜，後者比較清爽，而且味道唔會假。