Video
Read full review
2017-01-19
5525 views
下午三點的早餐、午飯、下午茶，一剔過！由大埔的到小白鷺，相約歌妮仔一齊慶祝回復單身，重獲自由、重現曙光、生機勃勃﹗不過歌妮仔似乎一臉愁容喎，咁更加要食好?，今餐我請客 ﹗十幾年前層經到訪燒烤過，其後一無緣再訪。舊地重遊真係十年如一日無變，只係座建築物殘左好多好多囉。負責接待那位男侍應似乎比較生硬，木口木面、豪無笑容，說話有點硬朗，親切熱情欠奉，還有好大既改善空間。不過都有問句會否怕露天大風會凍呢？可以坐室內架喎。有關心，讚﹗經理及阿姐侍應們感覺 warm 好多，滿意得多。今日仲咩鬼勁多細路架，好很嘈呀 ﹗又多師拉、又多大陸自由行，做唔到黃金海岸既氣氛，羅湖商業城既氣氛就有。本來個環境非常優雅、空氣清新、寧靜舒服，依家完全破壞晒。不知不覺到步已經係下午茶時間，所以侍應哥哥最初只放下午茶 menu，但我不太感興趣呢。見隔離男女鋸緊扒喎，即刻拿份大 menu 睇睇先。菜色種類都好多喎，仲有龍蝦餐約每位 HKD800，都係下次先啦，哈哈。發現有二人餐都好豐富，可以試多幾樣野，8 道菜加埋一就 HKD800 埋單搞掂，價錢都合理。餐包、龍蝦湯、焗田螺、西班牙火腿、黑鱈魚、黑豚鞍、提拉米酥、熱啡
負責接待那位男侍應似乎比較生硬，木口木面、豪無笑容，說話有點硬朗，親切熱情欠奉，還有好大既改善空間。不過都有問句會否怕露天大風會凍呢？可以坐室內架喎。有關心，讚﹗經理及阿姐侍應們感覺 warm 好多，滿意得多。
今日仲咩鬼勁多細路架，好很嘈呀 ﹗又多師拉、又多大陸自由行，做唔到黃金海岸既氣氛，羅湖商業城既氣氛就有。本來個環境非常優雅、空氣清新、寧靜舒服，依家完全破壞晒。
不知不覺到步已經係下午茶時間，所以侍應哥哥最初只放下午茶 menu，但我不太感興趣呢。見隔離男女鋸緊扒喎，即刻拿份大 menu 睇睇先。菜色種類都好多喎，仲有龍蝦餐約每位 HKD800，都係下次先啦，哈哈。發現有二人餐都好豐富，可以試多幾樣野，8 道菜加埋一就 HKD800 埋單搞掂，價錢都合理。
餐包、龍蝦湯、焗田螺、西班牙火腿、黑鱈魚、黑豚鞍、提拉米酥、熱啡，滿意﹗餐包，居然係芝麻餐包，熱辣辣包包加上半溶牛油及香口脆卜卜芝麻，好味道喎。今日天氣清涼，小白鷺提供暖水，真夠細心，讚﹗
美式焗龍蝦帶子湯 american lobster bisque with scallop soup，味道香濃，未算幼滑，但質感厚薄尚算合格。蝦肉、帶子片均可口帶鮮甜，比想象中好。如果可以再滑一點、再濃味一點就更開心。不幸地，飲到最後幾滴有點苦澀味道呢。
西班牙火腿拼蜜瓜 Spanish serrano ham and melon，西班牙火腿味道比巴瑪火腿為淡，微弱的咸香，所以配上清淡哈蜜瓜未見突出。如果用濃厚咸香巴瑪火腿拼甜甜蜜瓜會更加吸引，一咸一甜撞埋既味道非常特別又好味
﹗現在依道菜較為遜色左，清淡的沙律。
法式焗鮮活田螺 baked live escargots in French style，第一次食活田螺，大多餐廳都只用雪藏田螺，更有部份餐廳會將田螺殼翻用，每次只係換上新田螺肉添。活田螺既肉特別鮮嫩彈牙有咬口，鮮味出眾，加上濃濃牛油及香草非常美味。我喜歡用焗薯蓉捲著田螺同吃，超級特別好食﹗
香煎黑豚鞍扒配菠蘿汁，有趣又有創意的烹調及配搭，而且估唔到豬扒竟可以如此軟棉、彈滑又無渣，腍得黎又充滿彈性。兩面煎得金黃燋香，煎封肉汁在內，香甜味美，濃郁豬肉香味，口感濕潤肉汁激射。一小塊豬扒躺在一小塊烤菠蘿之上，擁著跳上舌尖，喜出望外的美味，夾到不得了，醒腦醒神又好食﹗
香煎黑鱈魚配墨魚籽忌廉汁，黑鱈魚煎得非常嫩滑，皮香肉嫩而結實，甜美閃令令肉汁非常豐富，跟香濃忌廉汁及咸香墨魚籽味道非常襯，必試推介﹗
提拉米酥，濃烈既酒香，小朋友應該唔多適合。難得地我成件食晒，停唔到口，一向不愛甜點的我都被打敗。滑滑黏黏的質感，芝士牛奶比例均衡，層次分明帶著咸香跟香甜，味道出眾而清爽，非常滿意。熱齋啡，即磨咖啡中規中矩啦，欠點油潤、欠點香氣。
餐包
134 views
0 likes
0 comments
美式焗龍蝦帶子湯 american lobster bisque with scallop soup
89 views
1 likes
0 comments
西班牙火腿拼蜜瓜 Spanish serrano ham and melon
72 views
0 likes
0 comments
法式焗鮮活田螺 baked live escargots in French style
128 views
0 likes
0 comments
香煎黑豚鞍扒配菠蘿汁
109 views
1 likes
0 comments
香煎黑鱈魚配墨魚籽忌廉汁
162 views
0 likes
0 comments
提拉米酥
159 views
0 likes
0 comments
熱齋啡
57 views
0 likes
0 comments
Post
