NINETYs (皇后大道東) (Closed)

午間搵食貼士無得隔日訂枱，如果人多，可試吓當日11時左右打去留位，12時前去攞枱，但職員都會話12時至2時唔會留枱俾客。基本上如果唔係大群人的話，1215前都仲可以搵到枱。嗰日大家都係Lobster Benedict. 半邊龍蝦，加埋其他材料，份量十足，而且麵包都好好味，有同事直情買咗條麵包返去做早餐。飲品，我飲咗較果味較重的手沖咖啡。咖啡很香，果味濃郁，而且感覺好新鮮。服務算唔錯的，只是食物等得比較耐，如果趕時間，唔好叫龍蝦。另一個美中不足的是，當日坐在餐廳較後位置，可能空調不佳，所以餐廳要加把風扇，但係當頭吹咗成餐飯，都幾辛苦，下次去，可能會搵個近門口小小的位置，希望較通風。