Red Lobster (Fashion Walk) (Closed)

三位食lunch。每人叫個lunch set再加一份龍蝦沙律同炸魷魚圈。lunch set揀咗大蝦意粉配龍蝦汁，蘑菇松露芝士pizza，同埋牛扒丼飯。我加$20轉龍蝦湯。龍蝦湯麻麻地，唔係好鮮味。唔建議加錢嗌。龍蝦沙律正常發揮，上枱靚，龍蝦美味，菜係西生菜。炸魷魚圈賣相好好，不過d魷魚完全無味，唔點汁真係食唔到。我個大蝦意粉味道幾好，不過d汁幾稀吓，西餐廳嘅意粉煮成咁我覺得有d怪。反而個牛扒丼飯就咩汁都無，我朋友猛咁加鹽同黑胡椒。塊牛排係好食嘅，很稔，朋友嫌唔夠牛味，我覺得唔錯啊。係個飯無咩調味好奇怪。同埋個飯係米飯加黎麦，朋友食唔慣黎麦口感，食幾啖就唔得lu。松露芝士pizza都係普普通通。係薄個隻pizza，個邊焗到超硬。總括嚟評論，餐廳環境舒適，服務也不錯，d食物就麻麻地。每個食物都有d 明顯嘅調味 或者口感上嘅不足。 雖然lunch價位唔貴，但係個lunch咁樣，如果翻轉頭食dinner 似乎都係龍蝦同牛扒穩陣。