築地‧山貴水產市場 (Closed)

七月又是書展漫畫展時間呀！今日去灣仔書展前醫醫肚先，我由九龍搭天星小輪過對面海，落船望見上一層係築地食日本菜，就隨意去狂狂。店員帶我坐在玻璃窗前的高枱上，面向無敵大海景。餐牌圖片豐富相當吸睛，各式各樣有壽司、串燒炸物、海鮮、刺身拼盤等。今日點了龍蝦海鮮泡飯同炸豆腐。龍蝦海鮮泡飯材料有半隻大龍蝦、三隻蠔、兩隻大蜆，湯底清甜好香海鮮味，珍珠米已經浸泡在湯中入晒味，夠甘香。炸豆腐炸醬薄薄好考師傅功力，豆腐非常幼滑豆味濃郁，配埋木魚絲特別有鮮味。