陸陸雞煲火鍋 (Closed)

又係打邊爐的好季節！想又食海鮮又雞煲，係mk決定食66雞。陸陸海鮮套餐，298$一位，再加一。水同醬油要問店員先有。先來就上一客冰鎮花螺，味道好鮮甜，又好爽口之後就到雞煲，半隻到，我地揀左BB辣，雞煲味道香濃，辣度剛剛好，雞件肉質ok！再來就到海鮮套餐湯底係鮮龍蝦湯底，材料有帶子，海鮮火鍋拼盤（鮑魚，廣島蠔，蟶子，蜆，海蝦，貴妃蚌、魚片）、頂級牛肩胛片，豬肉片打蝦丸，手打墨丸，手打豬肉丸，餃，雲吞，水餃，白菜豬肉餃、泡菜餃，自家炸響鈴，炸魚皮、菌類拼盤等等，超級豐富。全部海鮮都好新鮮，尤其係鮑魚，仲郁嫁，食落仲好爽口，蠔、蟶子、貴妃蚌都好鮮甜爽口，海蝦肉質結實。牛肩肉牛味重，好鮮滑炸魚皮同響鈴真係十個脆，烚完一兩下都仲keep到脆！啲餃全部都好新鮮，皮薄餡多。一榨野飲49$，夠兩個人飲幾杯。點左青檸梳打，味道有點淡。Overall 海鮮最讚。服務幾好，姐姐好細心。但食完可能會有陣龍蝦味